जनमत पार्टीद्वारा मधेश प्रदेश सभा बैठक अवरुद्ध
काठमाडौं, जेठ २१ः जनमत पार्टीले मधेश प्रदेश सभा अधिवेशनको पहिलो बैठक अवरुद्ध गरेको छ।
पार्टीले सप्तरीको राजविराजमा कृषि विश्वविद्यालयको भवन शिलान्यासको क्रममा भएको घटनाको छानबिन गर्न संसदीय छानबिन समितिको माग गर्दै बैठक अवरुद्ध गरेको हो। कृषि विश्वविद्यालयको भवन शिलान्यासका क्रममा प्रहरीको बल प्रयोग गर्दा गत माघ माघ ८ गते तत्कालीन शिक्षा मन्त्री समेत रहेका जनमत संसदीय दलका नेता महेश प्रसाद यादवसहित केही सांसदहरु घाइते भएका थिए।
राजविराज घटना यता जनमतले छानबिन समितको माग गर्दै सदन अवरुद्ध गर्दै आएको छ। उक्त प्रकरणमा छानबिन समित नबनेसम्म सदन चल्न नदिने अडान समेत जनमतले लिएको छ।
बैठक अवरुद्ध भएपछि सभामुख रामचन्द्र मण्डलले केही समयका लागि बैठक स्थगित गरेका छन्।
प्रकाशित मिति: १५:५५ बजे, सोमबार, जेठ २१, २०८१
प्रतिक्रिया दिनुहोस्
थप समाचार
