सरकारकाे सहयाेगमा स्वदेश फर्किए अमेरिकी नागरिक (फोटोफिचर)

काठमाडौं, चैत १८ : सरकारले भारतबाट आएका नेपाली नागरिकलाई सीमामै रोकेपनि लकडाउनका कारण नेपालमा अड्किएका अमेरिकी नागरिकलाई भने हवाई मार्गबाट स्वदेश फिर्ता पठाएकाे छ।

आज बिहान नेपाल सरकार र अममेरिकी राजदूतावासको पहलमा उनीहरु स्वदेश फर्किएका हुन्। उनीहरु त्रिभुनव अन्तर्राष्ट्रिय विमानस्थलबाट कतार एयरवेजको विमानबाट अमेरिका प्रस्थान गरेका छन्।

लकडाउनका कारण नेपालमा अड्किएका नागरिकलाई विभिन्न देशले फिर्ता लगिरहेको छ। बेलायत र अस्ट्रेलियाले यस अघि नै आफ्ना नागरिक फिर्ता लगिसकेको छ।

आज प्रस्थान गरेका अमेरिकी नागरिक पनि विभिन्न स्थानमा अड्किएका थिए। उनीहरु लुक्ला, अन्नपूर्ण पदमार्ग, पोखरालगायतका गन्तव्यको भ्रमणमा आएका थिए। उनीहरुलाई हेलिकप्टरमार्फत काठमाडौं ल्याइएको थियो।