सुर्खेतबाट एक लाख नगद र लागुऔषधसहित तीन पक्राउ

सुर्खेत, चैत १७ : जिल्ला प्रहरी कार्यालय सुर्खेतले एक लाख रुपैयाँ  र लागुऔषधसहित दुई जनालाई पक्राउ गरेको छ। पक्राउ पर्नेमा वीरेन्द्रनगर नगरपालिका–९ लाटीकोइली सुर्खेतका शारदा महतारा र विकास मानन्धर रहेका छन्। त्यस्तै मानन्धरकै साथै सोही नगरपालिका–३ का सुनिल थारुसमेत तीनै जनालाई आइतबार साँझ पक्राउ गरिएको जिल्ला प्रहरी कार्यालय सुर्खेतका सूचना अधिकारी एवं प्रहरी निरीक्षक गोपाल रायमाझीले जानकारी दिए। 

'झोला बोकेकी महतारामाथि शङ्का लागेर प्रहरीले जाँच गर्दा झोलामा लुकाइछिपाई राखेको अवस्थामा १७ ग्राम १०० मिलीग्राम ब्राउनसुगर जस्तो कालो धुलो भेटियो', प्रहरी निरीक्षक रायमाझीले भने, 'त्यसका साथै नगद एक लाख १२ हजार ९४५ रुपैयाँ र कालो रङको एक थान डिजिटल तराजु फेला पारेपछि उनलाई पक्राउ गरिएको हो।'

प्रहरीको नियन्त्रणमा परेकी ती महिलालाई तत्काल सोधपुछ गर्दा विकास मानन्धरको नाम खोलेको र मानन्धरलाई जाँच गर्दा उनको साथबाट पनि १२० मिलीग्राम ब्राउनसुगरजस्तो कालो धुलो बरामद भएको उनले बताए। महतारा, मानन्धर र उनको साथी सुनिल थारूसहितलाई पक्राउ गरी तीनै जनाको अनुसन्धान भइरहेको जिल्ला प्रहरी कार्यालय सुर्खेतले जनाएको छ ।