कोरोना राहत कोषमा क्रिकेटर लामिछानेको एक लाख सहयोग 

काठमाडौं, चैत्र १४ : नेपाली क्रिकेटर सन्दीप लामिछानेले नेपाल सरकारले स्थापना गरेको कोरोना राहत कोषमा एकलाख रुपैयाँ सहयोग गरेका छन् ।

उनले बिहीबार साँझ सामाजिक सञ्जालमाफर्त उक्त कोषमा सहयोग गरेको जानकारी दिएका हुन्। सन्दीपले राहत कोषमा रकम सहयोग गरेको जानकारी सँगै कोरोनाको महामारीबाट बच्न सोसियल डिस्टेन्स मेन्टेन गर्न पनि सुझाव दिएका छन्।

उनले कोरोनाबाट बच्न सबैले सतर्कता अपनाउनुपर्ने समेत जनाएका छन्।