Kathmandu Press

पर्वतको जलजलामा एक दम्पती मृतावस्थामा फेला

स्थानीय ६९ वर्षीय सूर्यबहादुर जिसी र उहाँकी श्रीमती अन्दाजी ६७ वर्षीया कमला जिसी आफ्नै घरभित्र मृतावस्थामा भेटिएका हुन्।
पर्वतको जलजलामा एक दम्पती मृतावस्थामा फेला
Hardik ivfHardik ivf

पर्वत, चैत २० : पर्वतको जलजला गाउँपालिका–२  मल्लाजको दहमा एक दम्पती मृतावस्थामा फेला परेका छन्। 

स्थानीय ६९ वर्षीय सूर्यबहादुर जिसी र उहाँकी श्रीमती अन्दाजी ६७ वर्षीया कमला जिसी आफ्नै घरभित्र मृतावस्थामा भेटिएका हुन्। स्थानीयले श्रीमान्–श्रीमती नै मृतावस्थामा देखेपछि जिल्ला प्रहरी कार्यालय पर्वतमा खबर गरेका थिए। 

स्थानीयको खबर लगत्तै जिल्ला प्रहरी कार्यालय पर्वतवाट गएको टोलीले घटनाको अनुसन्धान गरिरहेको जिल्ला प्रहरी कार्यालय पर्वतका प्रमुख प्रहरी नायब उपरीक्षक खुमलाल भुसालले जानकारी दिए। 

'घटनाको प्रारम्भिक अवस्था हेर्दा शङ्कास्पद देखिएको छ', उनले भने, 'पोखराबाट चिकित्सकसहितको टोली बोलाएर थप अनुसन्धानपछि मात्र घटनामा यकिन विवरण आउनेछ।' 

जलजला गाउँपालिका–२ का वडाअध्यक्ष प्रकाश जिसीले घरभित्रै हत्या भएको जस्तो प्रकृतिमा दम्पतीको शव बिहान ९ बजे भेटिएकोे जानकारी दिए।

दुवै जना रगताम्य अवस्थामा भेटिएका थिए। उनका अनुसार घरमा जिसी दम्पती मात्र बस्दै आएका थिए। घटनाको विस्तृत विवरण आउन बाँकी छ।

प्रकाशित मिति: १४:२५ बजे, मंगलबार, चैत २०, २०८०
NTCNTC
Globle IME bankGloble IME bank
प्रतिक्रिया दिनुहोस्