Kathmandu Press

एमाले लमजुङको अध्यक्षमा विष्ट निर्वाचित

कमिटीको नवाैं जिल्ला अधिवेशनको आज सम्पन्न मतगणना अनुसार कृष्णप्रसाद अधिकारीलाई ८९ मतअन्तरले हराउँदै विष्ट अध्यक्षमा निर्वाचित भएका हुन्। 
एमाले लमजुङको अध्यक्षमा विष्ट निर्वाचित
Hardik ivfHardik ivf

लमजुङ, चैत १९ : नेकपा एमालेको जिल्ला कमिटी लमजुङको अध्यक्षमा राजकुमार विष्ट निर्वाचित भएका छन्। कमिटीको नवाैं जिल्ला अधिवेशनको आज सम्पन्न मतगणना अनुसार कृष्णप्रसाद अधिकारीलाई ८९ मतअन्तरले हराउँदै विष्ट अध्यक्षमा निर्वाचित भएका हुन्। 

अध्यक्ष पदमा नवनिर्वाचित विष्टले दुई सय ८८ मत प्राप्त गरेका थिए। बेँसीशहर नगरपालिका–११ मा घर भएका विष्ट यसअघि एमाले बेँसीशहर नगर कमिटिको अध्यक्ष थिए। यसअघिका जिल्ला अध्यक्षसमेत रहनुभएका अधिकारीले एक सय ९९ मत प्राप्त गर्नुभयो। विष्ट र अधिकारीले आ–आफ्नै प्यानल बनाएर चुनावी मैदानमा होमिएका थिए। 

उपाध्यक्षसहित उपसचिवसमेतमा विष्ट पक्ष विजयी भएका छन्। यस कमिटिको उपाध्यक्षमा यसअघिका जिल्ला सचिव शुभाष पौडेलाई पाँच मतअन्तरले हराउँदै जीतबहादुर गुरुङ निर्वाचित भए। गुरुङले दुई सय ४२ मत प्राप्त गर्नुभयो भने पौडेलले दुई सय ३७ मत प्राप्त गरे।

त्यस्तै, सचिवमा जनकराज मिश्रलाई दुई सय ३९ मतअन्तरले हराउँदै राजेन्द्र बोहोरा विजयी भएका छन्। राजेन्द्रले तीन सय ५८ मत प्राप्त गरे भने मिश्रले ११९ मत प्राप्त गरेका थिए। उपसचिवमा राजेन्द्र अधिकारीलाई २२० मत अन्तरले हराउँदै विवश बुढाथोकी विजयी भएका छन्। बुढाथोकीले २४९ मत प्राप्त गरे भने अधिकारले एक सय २९ मत प्राप्त गरे।

सहसचिव महिलातर्फ भने आइतबार नै राममाया राना मगर निर्विरोध निर्वाचित भएका थिए। आइतबार भएको मतदानमा पाँच सय ३२ जना सहभागी हुनुपर्नेमा ५०६ जनाले गरेका थिए। निर्वाचित कमिटिको कार्यकाल तीन वर्षे रहनेछ।

प्रकाशित मिति: १५:३२ बजे, सोमबार, चैत १९, २०८०
NTCNTC
Globle IME bankGloble IME bank
प्रतिक्रिया दिनुहोस्