रियल र सिटी च्याम्पियन्स लिगको क्वाटरफाइनलमै भीड्ने

काठमाडाै, चैत २ : डिफेन्डिङ च्याम्पियन म्यान्चेस्टर सिटी र सर्वाधिक सफल टिम रियल मड्रिड च्याम्पियन्स लिगको क्वाटरफाइनलमै भीड्ने भएका छन्।  युईएफएले शुक्रबार गरेको ड्रअनुसार सिटी र रियलको क्वाटरफाइनल भेट पक्का भएको हो।

यस्तै, अर्को क्वाटरफाइलनमा इंग्लिस क्लब आर्सनलले जर्मन क्लब बायर्न म्यूनिखसँग खेल्छ। यस्तै, स्पेनिस क्लब बार्सिलोनाले फ्रेन्च क्लब पिएसजीसँग खेल्दा अर्को स्पेनिस क्लब एट्लेटिको मड्रिडले जर्मन क्लब बोरुसिया डर्टमन्डको सामाना गर्नेछ।

क्वाटरफाइनलको पहिलो लेग ९ र १० अप्रिलमा हुनेछ भने दोस्रो लेग १६ र १७ अप्रिलमा हुनेछ।

यता, सेमिफाइनलमा रियल र सिटीको विजेताले आर्सनल र बायर्नको विजेतासँग खेल्नेछ। यस्तै, बार्सिलोना र पिएसजीबीचको विजेताले एट्लेटिको र डर्टमन्डबीचको विजेतासँग खेल्नेछ।

सेमिफाइनलको पहिलो लेग अप्रिल ३० र मे १मा हुनेछ भने दोस्रो लेग मे ७ र ८मा हुनेछ।