महेन्द्रेश्वर महादेवमा रुद्राभिषेक [फोटोफिचर]

काठमाडौं, फागुन २५ : काठमाडौंको हनुमानढोकास्थित महेन्द्रेश्वर महादेव मन्दिरको प्रवेशद्वारमा रहेको महादेवको पूर्ण कदको मूर्तिको रुद्राभिषेक गरिएको छ।

हरेक वर्ष दुईपटक साउन १५ र महाशिवरात्रिका दिन उक्त मन्दिरमा रुद्राभिषेक हुने गर्छ।

त्यहाँ रहेको महादेवको पूर्ण कदको मूर्तिलाई पञ्चामृतले स्नान गराई मूर्तिको रुद्राभिषेक गरिएको हो। उक्त मूर्ति डेढ दशकषअघि प्रतिस्थापन गरिएको थियो।

सानो पशुपति र मखन महादेव भनेर पनि चिनिने उक्त मन्दिरमा साउने सोमबार, शिवरात्रि, बालाचतुर्दशी, तिजलगायत पर्वमा पनि भक्तजनको घुइँचो लाग्ने गर्छ।