कुशल मल्लले एकै ओभरमा दुई विकेट लिँदै नेपाललाई खेलमा फर्काए
काठमाडौं, फागुन २२ः कुशल मल्ले नेदरल्यान्ड्सका दुवैजना ओपनरलाई एकै ओभरमा पभेलियनको बाटो देखाउँदै फाइनलमा नेपालको आशा जीवितै राखेका छन् ।
कुशलले पहिलो विकेटका रुपमा म्याक्स ओडाउडलाई दीपेन्द्रसिंह ऐरीबाट क्याच आउट गराएका थिए । म्याक्सले २३ बलमा २२ रन बनाएका थिए ।
यसैगरी उनले दोस्रो विकेटका रुपमा आक्रामक इनिङ खेल्दै अर्धशतक प्रहार गरिसकेका माइकल लेभिटलाई आउट गरे । कप्तान रोहित पौडेलबाट क्याचआउट हुनुअघि लेविटले ३ छक्का र ६ चौका प्रहार गर्दै २९ बलमा ५४ रन बनाएका थिए ।
यसअघि टस जितेर ब्याटिङ रोजेको नेपालले २० ओभरमा ८ विकेट गुमाउँदै १८४ रन जोडेको थियो । १८५ रनको लक्ष्य लिएर जवाफि ब्याटिङमा आएको नेदरल्यान्ड्सले यो समाचार तयार पार्दासम्म १० ओभरमा २ विकेट गुमाएर ८६ रन जोडेको छ ।
प्रकाशित मिति: १४:०८ बजे, मंगलबार, फागुन २२, २०८०
प्रतिक्रिया दिनुहोस्
थप समाचार
