नेपालले गुमायो लगातार ३ बलमा ३ विकेट

काठमाडौं, फागुन २२ः नेदरल्यान्ड्सविरुद्धको फाइनल खेलमा नेपालले ३ बलमा ३ विकेट गुमाएको छ ।

करण केसी, गुलशन झा र आरिफ शेख लगातार ३ बलमा आउट भएपछि नेपालको इनिङ धराशायी बनेको हो ।

करण केसी १८औं ओभरको अन्तिम बलमा आउट भएका थिए भने गुलशन र आरिफलाई क्लासेनले १९औं ओभरको पहिलो दुई बलमा आउट गरेका थिए ।

करण केसी ४ बलमा ९ रन बनाएर आउट भएका थिए । यस्तै, गुलशन झाले २५ बलमा ३४ रन जोडे भने आरिफ शेख डकआउट भएका हुन् ।

टस जितेर ब्याटिङ रोजेको नेपालले १९ ओभर सकिँदा ८ विकेट गुमाउँदै १७४ रन जोडेको छ ।