नेदरल्यान्ड्सविरूद्धको फाइनलमा नेपालले टस जितेर ब्याटिङ रोज्यो

काठमाडौं, फागुन २२: नेपालले त्रिकोणात्मक टी-२०आई सिरिजको फाइनलमा नेदरल्यान्ड्ससँग टस जितेर ब्याटिङ रोजेको छ । त्रिवि क्रिकेट मैदानमा भएको टसमा नेपालका कप्तान रोहितकुमार पौडेलले टस जितेर पहिला ब्याटिङ गर्ने निर्णय लिएका हुन् ।

नेपालले आफ्नो प्लेइङ ११ मा कुनै परिवर्तन गरेको छैन । नेपाल घरेलु मैदानमा लगातार तेस्रो पटक त्रिकोणात्मक टी-२० आई सिरिजको उपाधि जित्न चाहन्छ ।

यस सिरिजमा नेदरल्यान्ड्स ४ खेलमा ५ अंकका साथ शीर्षस्थानमा रहेर फाइनल खेलेको हो भने नेपाल ४ खेलमा ४ अंकका साथ दोस्रो स्थानमा रहेर फाइनल प्रवेश गरेको हो । नामिबिया ३ अंकका साथ पुछारमा रहेर बाहिरिएको थियो ।

नेपाल पहिलो चरणका खेलमा नामिबियासँग २० रन र नेदरल्यान्ड्ससँग २ रनले पराजित भएको थियो । त्यसपछि खेलमा पुनरागमन गर्दै नेपालले नामिबियालाई तीन रन र नेदरल्यान्ड्सलाई ६ विकेटले हराउँदै फाइनल यात्रा पक्का गरेको हो ।

पछिल्लो खेलमा नेपालले नेदरल्यान्ड्सलाई १२० रनमा अल आउट गरेको थियो ।

नेपाल र नेदरल्यान्ड्सबीच ११ टी-२० आई खेल भएका छन् । जसमा नेपाल समान ५ खेलमा जित र हार व्यहोरेको छ । एक खेल नतिजाविहीन भएर टुंगिएको थियो ।

टीयुमा नेपाल र नेदरल्यान्ड्सबीच हालसम्म पाँच टी-२० आई खेल भएका छन् । जसमा नेपाल ३ खेलमा विजयी भएको छ ।

नेपालको प्लेइङ सेटः