नेदरल्यान्ड्ससँग नामिबिया ५९ रनले पराजित
कीर्तिपुरस्थित त्रिवि क्रिकेट मैदानमा बिहीबार भएको खेलमा नेदरल्यान्ड्सले नामिबियालाई ५९ रनले पराजित गरेको हो। जितका लागि दुई सय ४८ रनको लक्ष्य पछ्याएको नामिबिया निर्धारित २० ओभरमा सात विकेट गुमाउँदै एक सय ८८ रनमा समेटियो।
काठमाडौं, फागुन १७ : काठमाडौंमा जारी त्रिकोणात्मक अन्तर्राष्ट्रिय ट्वान्टी-२० शृंखलामा नेदरल्यान्ड्सले नामिबियालाई पराजित गरेको छ।
कीर्तिपुरस्थित त्रिवि क्रिकेट मैदानमा बिहीबार भएको खेलमा नेदरल्यान्ड्सले नामिबियालाई ५९ रनले पराजित गरेको हो। जितका लागि दुई सय ४८ रनको लक्ष्य पछ्याएको नामिबिया निर्धारित २० ओभरमा सात विकेट गुमाउँदै एक सय ८८ रनमा समेटियो।
नामिबियाका लागि जान फ्रिलिङक र जान ग्रिनले समान ४२/४२ रनको योगदान दिए। त्यसैगरी जेपी कोटेजले २६ रन र जेजे स्मिथ तथा रुबेन ट्रम्पलम्यानले समान १९/१९ रन बनाए। बलिङतर्फ नेदरल्यान्ड्सका टिम भान डर गुगटेनले दुई विकेट लिए भने याब्रान्ड एंगेलब्रेक्ट, रोलेफ भान डर मर्वेल, भिभियन किंग्मा र आर्यन दत्तले समान एक÷एक विकेट लिए।
त्यसअघि टस जितेर पहिला ब्याटिङ रोजेको नेदरल्यान्ड्सले निर्धारित २० ओभरमा पाँच विकेट गुमाउँदै दुई सय ४७ रनको योगफल बनाएको थियो। नेदरल्यान्ड्सका लागि माइकल लेभिटले ६२ बलमा एक सय ३५ रनको योगदान दिएका थिए। त्यसैगरी साइब्रान्ड एङ्गेलब्रेख्तले ४० बलमा ७५ रन जोडे।
नामिबियाका लागि रुबेन ट्रम्पलम्यानले दुई विकेट लिए भने जान फ्रेइलिङ्कले र बेन सिकोन्गोले समान एक÷एक विकेट लिए। प्रतियोगिताअन्तर्गत शुक्रबार नेपालले नामिबियासँग खेल्नेछ।
