सन्दीप जाेरा र साेमपाल कामी आउट हुँदा नेपाललाई ६ विकेटकाे क्षति
काठमाडौं, फागुन १६ : त्रिकोणात्मक टी-२०आई सिरिजअन्तर्गत नेदरल्यान्ड्ससँगको खेलमा सन्दीप जाेरा ८ रनमै एलबिडब्लु आउट भएका छन्। उनीलगत्तै साेमपाल कामी पनि क्याच आउट भए।
त्रिवि क्रिकेट मैदान कीर्तिपुरमा भइरहेको खेलमा उनी १४.५ ओभरमा टिनभिडी गक्टेनको पाँचाैं बलमा एलबिडब्लु आउट भएका हुन्। १८५ रनको लक्ष्य पछ्याएको नेपालले उनी आउट हुँदाको १२५ रन बनाएको थियाे। उनी १५.२ ओभरमा आर्यन दत्तको दाेस्राे बलमा शून्य रनमा हुन्। साेमपाल आउट भएसँगै नेपालले ६ विकेट गुमाएकाे छ। साेमपाल आउट हुँदा नेपालकाे १२६ रन थियाे।
यसअघि नेपाली राष्ट्रिय क्रिकेट टिमका कप्तानसमेत रहेका राेहित पाैटेल ५० रनमा आउट भएका हुन्। उनीभन्दा केही अघि मात्र कुशल मल्ल ११ रनमा क्याच आउट भए।
त्यस्तै आशिफ शेख ३४ रनमा आउट भए। आशिफअघि नेपाली राष्ट्रिय क्रिकेट टिमका ओपनिङ ब्याटर भुर्तेल भिभियन किंग्माको चौथो बलमा एज लागेर विकेट किपरबाट क्याचआउट भए।
नेपालसँग टस हारेर पहिला ब्याटिङ गरेको नेदरल्यान्ड्सले निर्धारित २० ओभरमा ४ विकेट गुमाउँदै १८४ रन बनाएकाे थियो।
