युवाहरू बिदेसिन बाध्य हुँदा पनि सरकारलाई चिन्ता छैन : ओली

काठमाडाैं, माघ २० : नेकपा एमालेका अध्यक्ष केपी शर्मा ओलीले गठबन्धन सरकारको देशप्रति चिन्ता र ध्यान नरहेको बताएका छन्। 

शनिबार काठमाडौंमा टुँडिखेलमा युवा महोत्सव, २०८० को उद्घाटन गर्दै अध्यक्ष ओलीले मुलुकमा रोजगारीका अवसर नहुदा युवाहरु विदेशीन बाध्य हुदा पनि सरकारको देशप्रति चिन्ता र ध्यान नरहेको बताएका हुन्।

सरकार रेमिटेन्स आइरहेकोका खुसी मनाइरहेको भन्दै ओलीले रेमिटेन्सले चलेको अर्थतन्त्र जस्तो धराप अरु हुन नसक्ने जिकिर गरे। उनले मुलुकमा लाखौ पर्यटकहरु भित्राउने भनिए पनि पूर्वाधारमा समेत ध्यान दिन नसकेको बताए। अहिलेकै अवस्था रहे २० लाख पर्यटक भित्राउन सम्भव नहुने उहाले बताए। 

‘सामाजिक परिवर्तनका लागि नेतृत्वमा युवा शक्ति’ भन्ने भावना जागृत गराउन महोत्सव आयोजना गरिएको नेकपा एमाले काठमाडौंले जनाएको छ ।