भोलिबाट सरकारी कार्यालय ५ बजेसम्म खुल्ने
शुक्रबार बिहान १० देखि अपराह्न ३ बजेसम्म कार्यालय खुल्ला रहने गृह मन्त्रालयले जनाएको छ। सरकारले दिउँसो १ः३० देखि २ बजेसम्म खाजा खाने समय निर्धारण गरेको छ ।
काठमाडौं, माघ १५ : देशभरका सम्पूर्ण सरकारी कार्यालय मंगलबारबाट अपराह्न ५ बजेसम्म खुल्ने भएका छन्।
सरकारले २०७९ साल चैत २ गते नेपाल राजपत्रमा सूचना प्रकाशित गरी माघ १६ गतेदेखि कार्यालय समय बिहान १० देखि अपराह्न ५ बजेसम्म हुने जनाएको थियो। सोही अनुसार भोलिबाट सरकारी कार्यालय ५ बजेसम्म खुल्ने भएका हुन्।
कात्तिक १६ गतेदेखि माघ १५ गतेसम्म बिहान सरकारी कार्यालय १० देखि अपराह्न ४ बजेसम्म खुल्दै आएका थिए।
वैशाख १ देखि कात्तिक १५ गतेसम्म र माघ १६ देखि चैत मसान्तसम्म कार्यालय समय साँझ ५ बजेसम्म सञ्चालन हुनेछन्।
शुक्रबार बिहान १० देखि अपराह्न ३ बजेसम्म कार्यालय खुल्ला रहने गृह मन्त्रालयले जनाएको छ। सरकारले दिउँसो १ः३० देखि २ बजेसम्म खाजा खाने समय निर्धारण गरेको छ ।
प्रकाशित मिति: २०:५९ बजे, सोमबार, माघ १५, २०८०
प्रतिक्रिया दिनुहोस्
थप समाचार
