ललितपुरमा एक जर्मन महिला मृत भेटिइन्

काठमाडौं, माघ १५ : ललितपुरमा एक जर्मन नागरिक मृत भेटिएकी छन्।

ललितपुर महानगरपालिका–१६ नागबहालस्थित ग्रिन तारा हेरिटेज होम एण्ड अपार्टमेन्टमा सोमबार मृत भेटिएकी हुन्।

अन्दाजी ५२ वर्षीया उनी एक वर्षदेखि त्यहाँ बस्दै आएकी थिइन्। ललितपुर प्रहरीकाअनुसार लडिरहेको अवस्थामा ती महिला भेटिएको भन्दै खबर पुगेको थियो। त्यसपछि प्रहरीको टोली घटनास्थलमा पुगेको बताइएको छ।

उनको पहिचान खुल्न बाँकी छ। मृत्युको कारण पनि खुलिसकेको छैन।