पिएम कपमा पुलिसविरुद्ध कोशीका सुजनले बनाए शतक

काठमाडौं, माघ २ : जारी प्रधानमन्त्री कप राष्ट्रिय क्रिकेटमा कोशी प्रदेशका सुजन थपलियाले शतक पूरा गरेका छन्।

कीर्तिपुरस्थित टियू मैदानमा जारी खेलमा सुजनले विभागीय टिम नेपाल पुलिक्लबविरुद्ध शतक प्रहार गरेका हुन्। उनले ११९ बलमा ५ चौका र ८ छक्का हान्दै शतक पूरा गरे।

प्रधानमन्त्री कपमा यो चौथो शतक हो। यसअघि पुलिसका रसिद खान, एपिएफका सन्दीप जोरा र आर्मीका विनोद भण्डारीले शतक बनाएका थिए।

१२६ बलमा ६ चौका र ८ छक्का प्रहार गर्दै १०५ बनाएका सुजनलाई ४७औं ओभरको पहिलो बलमा करण केसीले सुनिल धमलाबाट क्याच आउट गराए।

सुजनले शतक बनाए पनि अन्यले गतिलो योगदान दिन नसक्दा कोशीले पुलिसलाई १६७ रनको सामान्य लक्ष्य मात्र दिन सक्यो। उसका अभ्यास तिमल्सिनाले २३ र कप्तान अंकित सुवेदीले १० रन बनाउनु बाहेक अन्यले दोहोरो अंकमा स्कोर बनाउन सकेनन्।

पुलिसका करण केसीले ३ विकेट लिँदा सुनिल धमला र ललित राजवंशीले समान २ विकेट लिए।