पिएम कप : विनाेद भण्डारीकाे शतकमा आर्मीकाे पहिलाे जित

काठमाडाैं, माघ १ : प्रधानमन्त्री कप एकदिवसीय राष्ट्रिय प्रतियोगितामा त्रिभुवन आर्मी क्लबले विजयी सुरुवात गरेको छ।

टियु क्रिकेट मैदानमा सोमबार मधेश प्रदेशलाई १ सय २६ रनले पराजित गर्दै आर्मी क्लबले विजयी सुरुवात गरेको छ। जितको लागि ३ सय २१ रनको लक्ष्य पछ्याएको मधेश ४८.४ ओभर खेल्दा १ सय ९४ रनमा अल आउट भयो।

मधेशका लागि पवन सरार्फले सर्वाधिक ६५ रन बनाए। त्यसअघि टियु टस हारेर पहिला ब्याटिङको निम्तो पाएको आर्मीले निर्धारित ५० ओभरमा अलआउट हुँदै ३ सय २० रन बनाएको थियो। आर्मीका लागि विनोद भण्डारीले १ सय १३ रनको शतकीय इनिङ खेले।

त्यस्तै सोमबार नै भैरहवास्थित सिद्धार्थ रंगशालामा भएको खेलमा लुम्बिनी प्रदेशलाई ५ विकेटले हराउँदै सुदूरपश्चिम प्रदेशले विजयी सुरुवात गर्यो। जितको लागि १ सय ५९ रनको विजयी लक्ष्य पछ्याएको सुदूरले २९.३ ओभरमा ५ विकेट गुमाउँदै पूरा गर्यो।

त्यसअघि सिद्धार्थ रंगशाला भैरहवामा टस हारेर पहिला ब्याटिङ गरेको लुम्बिनी ४८.४ ओभरमा १ सय ५८ रनमा अल आउट भएको थियो।  पहिलो पटक राउण्ड रोविन लिग फम्र्याटमा सुरु प्रतियोगीतामा ७ प्रदेश र ३ विभागीय टिम सहभागी छन्। लिगको शीर्ष दुई टोलीले फाइनल खेल्नेछन्।