काठमाडौं, असोज २ : रौतहट, तनहुँ र सिन्धुपाल्चोकमा पाेखरी, नहर र खाेलामा डुबेर तीनजनाको मृत्यु भएको छ।
रौतहटको देवाही गोनाही नगरपालिका-६ कर्कच बस्ने मोहन लाल साह तेलीको छोरी २ वर्षीया ज्योती कुमारी साहको आफ्नै घर छेउमा रहेको सिंचाई नहरको पानीमा खेल्ने क्रममा डुबेर शुक्रबार दिउँसो मृत्यु भएको छ।
तनहुँको बन्दिपुर गाउँपालिका–५ थुम्का बस्ने १९ वर्षीया मनिका नेपालीको आबुखैरेनी गाउँपालिका–१ आधीँखोला कतुसेरुवामा पौडी खेल्ने क्रममा डुबेर शुक्रबार दिउँसो मृत्यु भएको छ ।
सिन्धुपाल्चोकको इन्द्रावती गाउँपालिका–५ माझिबगरस्थित ईन्द्रावती खोलामा डुबेर सोही नगरपालिका–५ सूर्यकोट बस्ने ५५ वर्षीया जुना सार्की शुक्रबार बिहान मृत्यु भएको छ।
