दर्शकको मन जित्दै ‘डम्फूको ताकधिन तालैमा’ (भिडियो)
काठमाडौं, भदौ ३० : प्रवासी सर्जकद्धय अगम गुरुङ र जीवन गुरुङकृत नेपाली तामाङ सेलो गीत ‘डम्फूको ताकधिन तालैमा’ले विस्तारै दर्शकको मन जित्दै गएको...काठमाडौं, भदौ ३० : प्रवासी सर्जकद्धय अगम गुरुङ र जीवन गुरुङकृत नेपाली तामाङ सेलो गीत ‘डम्फूको ताकधिन तालैमा’ले विस्तारै दर्शकको मन जित्दै गएको छ ।
प्रवासीभूमि अमेरिकामा बसेर सिर्जना क्रममा क्रियाशील गीतकार तथा संगीतकार अगम गुरुङको शब्द तथा संगीत सिर्जना रहेको प्रस्तुत गीतमा अमेरिकामै रहेका गायक जीवन गुरुङले आवाज दिएका छन् । आदिवासी जनजातिको संस्कृति झल्काउने प्रस्तुत गीतको चलदृश्यमा पनि तामाङ जातिको संस्कृतिलाई झल्काउने प्रयत्न गरिएको पाइन्छ ।
चर्चित कलाकार जयनन्द लामा, डोमा योल्मोसंगै नेपालमा विगत दुई दशकदेखि गीतसंगीतमा सक्रिय गायक, नृत्यनिर्देशक तथा कलाकार इन्द्र गुरुङ र नवनायिका अनु तामाङले मुख्य भुमिकामा अभिनय गरेका छन् ।
बाबु जिम्बाले निर्देशन गरेको म्यूजिक भिडियोको सम्पादन आशिष जिम्बाले गरेका हुन । बुलाकी इन्टरटेन्टमेन्टबाट बजारमा आएको गीतमा सकारात्मक टिप्पणीहरु धेरै आएको कलाकार इन्द्र गुरुङले बताएका छन् ।