काठमाडौं, चैत २६ : गृह मन्त्रालयले आठ जिल्लाका प्रजिअसहित २६ सहसचिव र उपसचिवको सरुवा तथा पदस्थापन गरेको छ। बिहीबार गृहमन्त्रीस्तरीय निर्णयले उक्त सरुवा तथा पदस्थापन गरिएको हो ।
सरुवा तथा पदस्थापन सूचीमा उल्लेख भएअनुसार अध्यागमन विभाग महानिर्देशकको जिम्मेवारी नारायणप्रसाद भट्टराईलाई दिइएको छ। सहसचिवहरूमा शिवराम गेलाललाई बाँकेको प्रजिअ बनाइएको छ। नवलपरासी पश्चिमको प्रजिअमा धर्मेन्द्र मिश्रलाई पठाइएको छ। लमजुङको प्रजिअको जिम्मेवारी सम्हाल्न होमप्रसाद लुइँटेललाई पठाइएको छ। राजेन्द्रदेव पाण्डे बैतडी प्रजिअ भएका छन्। नवराज सापकोटालाई रोल्पा, सुनिल खनाललाई डोटी र भरतमणि पाण्डेलाई मकवानपुरको प्रजिअ तोकिएको छ।
उपसचिवहरूमा रामबहादुर कुरुङवाङलाई इलाका प्रहरी कार्यालय टीकापुर पठाइएको छ। गोपालकुमार अधिकारीलाई बाजुरा सरुवा गरिएको छ। सुशील वैद्यको जिम्मेवारी त्रिभुवन विमानस्थल अध्यागमनमा तोकिएको छ।
हेर्नुहोस् सूची
