एक्सप्रेस साकोसको अन्तरक्रिया कार्यक्रम सम्पन्न
काभ्रे, असाेज २२ : एक्सप्रेस बचत तथा ऋण सहकारी संस्थाले शनिवार बृहत्तर छलफल तथा अर्न्तक्रिया कार्यक्रमको आयोजना गरेको छ।
संस्थाका सदस्यहरुलाई भेला गरि पहिलो चरण सदस्य शिक्षा शिविर अर्न्तगत साधारणसभा समिक्षा, वर्तमान परिप्रेक्ष्यमा सहकारीको अवश्था र चुनौती, संस्था र सदस्यको अन्र्तसम्बन्ध, संस्थामा सदस्यहरुको भूमिका, जिम्मेवारी र महत्व आदिको विषयमा बृहत्तर छलफल तथा अर्न्तक्रिया कार्यक्रम आयोजना गरेको छ। कार्यक्रममा मोबाईल बैकिङ एप शुभारम्भ गरिएको संस्थाले जनाएको छ।
कार्यक्रममा बचतकर्ता दुर्गा राई र सावित्री राउत र कर्मचारीहरू राधिका मानन्धर, विनु प्रधान र विदिप कायष्ठलाई विगत १५ वर्ष देखि संस्थामा निरन्तर सेवा पु¥याए वापत सर्मपित कर्मचारीको रुपमा प्रशंसापत्र प्रदान गरिएको थियो।
कार्यक्रममा एसओएस बालग्रामका पूर्वराष्ट्रिय निर्देशक तथा काठमाडौं यूनिर्भसिटीका प्राध्यापक इश्वरी शर्मा, प्रेस यूनियनका पूर्व केन्द्रीय उपाध्यक्ष ईश्वरी ओझा, पूर्वप्रदेश सहकारी मन्त्री चन्द्र लामालगायतको उपस्थिति थियो।
