लगातार ओरालो लाग्दै सुनको मूल्य 

काठमाडौं, असाेज १५ : नेपाली बजारमा सुनको मूल्य लगातार ओरालो लागिरहेको छ। 

नेपाल सुन चाँदी व्यवसायी महासंघका अनुसार आज सोमबार पनि छापावाल सुन तोलामा एक सय रुपैयाँले घटेर १ लाख ७ हजार ९ सय रुपैयाँ कायम रहेकोे छ भने, तेजाबी सुन प्रतितोला १ लाख ७ हजार ४ सय रुपैयाँमा कारोबार भइरहेको छ।

अघिल्लो दिन आइतबार मात्रै तोलामा आठ सय रुपैयाँले घटेर १ लाख ८ हजार रुपैयाँमा कारोबार भएको थियो। त्यसैगरी आज चाँदी तोलामा २० रुपैयाँले घटेर १ हजार ३४० रुपैयाँ कायम रहेको छ।