बुद्ध एयरले भित्र्यायो नयाँ एटिआर विमान

काठमाडौं, साउन २७ : बुद्ध एयरले १६ औं एटिआर विमान भित्र्याएको छ। बुद्धले ९ एन एएनडब्लु कल साइन भएको एटिआर ७२ विमान नेपाल भित्र्याएको हो।
 
‘हामीलाई यो कुरा सार्वजनिक गर्न पाउँदा खुसी लागेको छ कि हामीले कल साईन ९ एन एएनडब्लुसहितको १६ औं एटिआर ७२ एयरक्रयाफ्ट अन्तराष्ट्रिय विमानस्थलमा स्वागत गरेका छौं,’ बुद्ध एयरले भनेको छ।
 
योसँगै एटिआर ७२—५०० एयरक्र्याफ्ट विमानको संख्या १३ पुगेको छ । त्यस्तै एटिआर ४२ —३०० ३ सहित अब बुद्धसँग १६ वटा विमान भएको बुद्ध एयरका संचार अधिकृत दिनेश कर्णले जानकारी दिए।