काभा पुरुष भलिबलमा नेपाल इरानसँग पराजित

काठमाडौं, असार ५ः किर्गिस्तानमा जारी काभा पुरुष भलिबल नेसन्स लिगमा नेपाली पुरुष राष्ट्रिय भलिबल टिम इरानसँग पराजित भएको छ । यो जारी प्रतियोगितामा नेपालले बेहोरेको लगातार तेस्रो हार हो ।

नेपाल इरानसँग १६–२५, २२–२५, २२–२५ को सोझो सेटमा पराजित भएको हो ।

यसअघि नेपालले मंगोलिया र आयोजक टिम किर्गिस्तानसँग समान ३–१ को सेटमा पराजित भएको थियो ।

नेपालले बिहीबार तुर्केमिनिस्तान, शुक्रबार किर्गिस्तानकै अर्को टोली र आइतबार उज्वेकिस्तानसँग अन्तिम खेल खेल्नेछ ।