गृहसचिवमा महेश्वर न्यौपाने

काठमाडौं, माघ २१ : सरकारले महेश्वर न्यौपानेलाई गृह मन्त्रालयको सचिव बनाएको छ ।

यसअघि उनी अख्तियार दुरुपयोग अनुसन्धान आयोगको सचिव थिए ।

सोमबार बसेको मन्त्रिपरिषद बैठकले न्यौपानेलाई गृहसचिव बनाउने निर्णय गरेको हो । निवर्तमान गृहसचिव प्रेम राईले अवकाश लिएसँगै न्यौपाने गृहमन्त्रालयमा सरुवा भएका हुन् ।

अख्तियारको सचिवमा भने प्रदेश १ का प्रमुख सचिव सुरेश अधिकारीलाई सरुवा गरिएको छ ।