तस्बिरमा लाओसविरद्ध प्राप्त नेपालको जित

काठमाडौं, चैत ८ : प्रधानमन्त्री थ्री नेसन्स कप फुटबल प्रतियोगितको उद्घाटन खेलमा नेपालले लाओसमाथि २–०को जित निकालेको छ। लाओसविरुद्ध दोस्रो जित दिलाउने क्रममा नेपालका अनन्त तामाङ र नवयुग श्रेष्ठ गोल गरे।

घरेलु दर्शकको राम्रो साथ पाएको नेपाललाई ३०औं मिनेटमा अनन्त तामाङले हेडिङ गोलमा अग्रता दिलाए । ५६औं मिनेटमा लामो दुरीबाट भली मार्फत नवयुगले नेपालको अग्रता दोब्बर बनाए ।

यो जितसँगै मुख्य प्रशिक्षक भिन्सेन्ट अल्बर्टो एनेसले पनि जितका साथ नेपाली टिमको प्रशिक्षण यात्रा थालनी गरेका छन्।