गुल्सन झाको चौकामा नेपालले कटायो २०० रन
खेलको ३७ औं ओभर सुरु हुँदा नेपालले २०७ रन बनाएको छ ।
काठमाडौं, चैत २ : युएईविरुद्ध जवाफी ब्याटिङ गरिरहेको नेपालले २०० रन कटाएको छ ।
खेलको ३५.३ ओभरमा गुल्सन झाको चौकासँगै नेपालले २०० रन कटाएको हो । टस जितेर पहिले ब्याटिङ गरेको युएईले नेपाललाई जितका लागि ३११ रनको लक्ष्य दिएको छ ।
आशिफ शेख, कुशल भुर्तेल, कुशल मल्ल, रोहितकुमार पौडेले जस्ता महत्वपूर्ण ब्याट्सम्यान आउट भएपछि दबाबमा रहेको नेपाललाई भीम सार्कीले खेलमा फर्काउन सके । सार्की ६७ रन बनाएर आउट भएका थिए । कुशल भुर्तेल ५० रन बनाउँदै आउट भएका थिए।
खेलको ३७ औं ओभर सुरु हुँदा नेपालले २०७ रन बनाएको छ । क्रिजमा गुल्सन झा र आरिफ शेख ब्याटिङ गरिरहेका छन् । आरिफ ४३ रन बनाएर खेलिरहँदा गुल्सन झाले १६ रन बनाएका छन् ।
नेपालको तर्फाबाट दिपेन्द्रसिंह ऐरी, सोमपाल कामी, सन्दीप लामिछाने र ललितनारायण राजवंशीले ब्याटिङ गर्न बाँकी छ।
प्रकाशित मिति: १६:५१ बजे, बिहीबार, चैत २, २०७९
प्रतिक्रिया दिनुहोस्
थप समाचार
