नेपालको खराब सुरुवात, आसिफ शेख र कुशल मल्ल शून्य रनमै आउट 

काठमाडौं, चैत २ : ३११ रनको विशाल लक्ष्य पछ्याएको नेपालले खराब सुरुवात गरेको छ । 

आइसीसी विश्वकप क्रिकेट लिग–२ को अन्तिम खेल अन्तर्गत युएईले दिएको विशाल लक्ष्य पछ्याएको नेपालले सुरुवातमै विकेट गुमाएको हो । ओपनर आशिफ शेख दोस्रो बलमै आउट भएका छन् ।

आशिफको विकेटपछि क्रिजमा आएका कुशल मल्ल दोस्रो ओभरको तेस्रो बलमा आउट भएका छन् । टिकेर खेल्नुपर्ने अवस्थामा नेपालले सुरुवातमै दुई विकेट गुमाएको छ । 

आशिफ युएईका आयान अफ्जल खानको बलमा आउट भएका हुन् भने कुशल मल्ललाई जुनेद सिद्धिकीले आउट गरेका हुन् । 

तीन ओभर जारी रहँदा नेपाल १६ रन बनाएर खेलिरहेको छ । ओपनर कुशल भुर्तेललाई साथ दिन कप्तान रोहितकुमार पौडेल क्रिजमा आएका छन् ।