नेपाल टी-२० लिग : लुम्बिनीको पहिलो हार, पोखराको दोस्रो जित

काठमाडाैं, पुस १६ : नेपाल टी-२० लिगमा उत्कृष्ट प्रदर्शन गरिरहेको लुम्बिनी अल स्टारले पहिलो हार बेहोरको छ। शनिबार कीर्तिपुरस्थित टियू मैदानमा भएको खेलमा लुम्बिनी पोखरा एभेन्जर्ससँग ९ विकेटले पराजित भयो।

लुम्बिनीको यो छैटाैं खेलमा पहिलो हार हो। यसअघि उसले प्रतियोगितामा लागतार पाँच जित निकालेको छ। यता, पोखराको भने यो लागतार दोस्रो जित हो। यसअघि लगातार ५ खेलको हारेको पोखराले शुक्रबार फार वेस्ट युनाइटेडलाई हराएको थियो।

पहिला ब्याटिङ गर्दै लुम्बिनीले दिएको १२८ रनको लक्ष्य पोखराले १० बल बाँकी छँदा ९ विकेट गुमाउँदै भेट्टायो। उसको जितमा आसिफ सेखले उत्कृष्ट ब्याटिङ गरे। उनले ६२ बलमा ९ चौका प्रहार गर्दै ७७ रन बनाए। यस्तै, आरिफ सेखले ३७ बलमा २६ रन बनाए। लुम्बिनीका किशोर महतोले १ विकेट लिए। 

त्यसअघि पहिला ब्याटिङ गरेको लुम्बिनीले १ बल बाँकी छँदा अलआउट हुँदै १२७ रन मात्र बनाउन सक्यो। उसका लागि हारमित सिंहले सर्वाधिक ३८ रन बनाउँदा साड्ली भान सल्कविकले १६ र सुनिल धमलाले १५ रन बनाए। 

लुम्बिनीलाई सस्तैमा समेट्ने क्रममा पोखराका विपिन खत्री र जाहिर खानले समान ३ विकेट लिए। विपिनले ४ ओभरमा २३ तथा जाहिर ४ ओभरमा १८ रन खर्चिए। 

यो जितसँगै पोखरा पाँचौं स्थानमा उक्लिउको छ। उसलेका ७ खेलमा ४ अंक छ। यता, १० अंकसहित लुम्बिनी शीर्ष स्थानमै छ।