चितवनमा बसको ठक्करबाट साइकलयात्रीको मृत्यु

भरतपुर, पुस १० : चितवनमा बसको ठक्करबाट साइकलयात्रीको मृत्यु भएको छ।

भरतपुर महानगरपालिका–१ दियालो रोडमा बसले ठक्कर दिँदा राप्ती नगरपालिका–१३ बाक्सिलिङका १७ वर्षीय फिलिप प्रजाको मृत्यु भएको प्रहरीले जनाएको छ।

पुल्चोकबाट पोखरा बसपार्क जाँदै गरेको ना ४ ख ६३३० नम्बरको बसले आज बिहान ७ः३० बजे साइकलयात्रीलाई ठक्कर दिएको हो।

बसको ठक्करबाट घाइते साइकलयात्रीको भरतपुर अस्पतालमा उपचारका क्रममा बिहान ८ बजे मृत्यु हो। बस नियन्त्रणमा रहेको र फरार चालकको खोजी भइरहेको जिल्ला प्रहरी कार्यालय चितवनले जनाएको छ।