नेपालले सन् २०२७ को यू–१९ महिला विश्वकप क्रिकेट आयोजना गर्ने
नेपालले पहिलोपटक विश्वकपको आयोजना गर्ने अवसर पाएको छ।
काठमाडौं, कात्तिक २७ : नेपालले पहिलोपटक विश्वकपको आयोजना गर्ने अवसर पाएको छ । सन् २०२७ को यु–१९ महिला विश्वकप क्रिकेटको आयोजना नेपाल र बंगलादेशले संयुक्त रुपमा गर्ने भएका हुन् ।
अन्तर्राष्ट्रिय क्रिकेट परिषद् आइसीसीले सन् २०२७ मा हुने यू–१९ महिला विश्वकपमा नेपाललाई सहआयोजक बनाएको छ।
आईसीसीको बोर्ड बैठकले नेपालसहित बंगलादेश, श्रीलंका, मलेसिया र थाइल्याण्ड, जिम्बावे र नामिवियलाई सन् २०२४ देखि २०२७ सम्ममा आईसीसी यू–१९ प्रतियोगिताको जिम्मा दिने निर्णय गरेको हो ।
जसअनुसार सन् २०२७ को यू–१९ महिला विश्वकप नेपाल र बंगलादेशमा हुने छ ।
सन् २०२३ को पहिलो संस्करणको यू(१९ महिला विश्वकप दक्षिण अफ्रिकामा आयोजना हुँदैछ । उक्त विश्वकपको लागि नेपाललले एसियाली क्षेत्रको छनोट खेलेको थियो । तर तेस्रो हुँदै छनोट हुन असफल भयो ।
यस्तै सन् २०२४ को यू–१९ क्रिकेट विश्वकप श्रीलंकामा, २०२५ मा मलेसिया र थाइल्याण्यले आयोजना गर्ने छन् ।त्यसपछि २०२६ को प्रतियोगिता जिम्बावे र नामिबियामा आयोजना हुने आईसीसीले जनाएको छ ।
