थप १६ जनामा कोरोना संक्रमण पुष्टि

काठमाडाैं, कात्तिक १९ : नेपालमा थप १६ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ।

देशभर गरिएको ४ सय ४९ पिसिआर परिक्षणका क्रममा १० जना र ८ सय २७ एन्टीजेन परीक्षणका क्रममा ६ जनामा कोरोना संक्रमण पुष्टि भएको हो।

कोरोनाका कारण शनिबार कसैको पनि मृत्यु भएको छैन भने थप १७ संक्रमित कोरोनामुक्त भएका छन्।

हाल नेपालमा ५ सय ६२ सक्रिय संक्रमित रहेको मन्त्रालयले जनाएको छ।