इजरायली क्षेप्यास्त्र दमासकसमा प्रहार
सानाका अनुसार सिरियाली वायु सुरक्षाबलले धेरै इजरायली क्षेप्यास्त्रहरू रोकेका थिए।
दमास्कस, कात्तिक १० : बुधबार मध्यरातमा इजरायलले दमासकसमा क्षेप्यास्त्र आक्रमण गरेको सिरियाली सरकारी समाचार संस्था सानाले जनाएको छ।
सानाका अनुसार सिरियाली वायु सुरक्षाबलले धेरै इजरायली क्षेप्यास्त्रहरू रोकेका थिए।
राजधानीमा रहेका मानिसहरूले धेरै शक्तिशाली विस्फोटहरू सुनेका जनाइएको छ। इजरायलले सिरियामा दुई दिनमा यो दोस्रो पटक क्षेप्यास्त्र आक्रमण गरेको जनाइएको छ।
इजरायलले सिरियाको राजधानी वरिपरि सिरियाली सैन्य साइटहरूमा प्रहार गरेर क्षति पुर्याएको र यसमा परी एक सैनिक घाइते भएका जनाइएको छ।
प्रकाशित मिति: १६:३८ बजे, बिहीबार, कात्तिक १०, २०७९
प्रतिक्रिया दिनुहोस्
थप समाचार
