काबुलमा ६ आइएस लडाकु मारिए

काबुल, कात्तिक ५ : अफगान सेनाले राजधानी काबुलमा प्रतिद्वन्द्वी आइएस वा इस्लामिक स्टेट (आइएस) संगठनका सदस्यहरू लुकेको ठाउँमा आक्रमण गरी ६ जना लडाकूलाई मारेको अफगान कार्यवाहक सरकारका मुख्य प्रवक्ता जबिहुल्लाह मुजाहिदले शनिबार बताएका छन्।

इस्लामिक इमिरेट्सको विशेष एकाइहरूको बलले हिजो आइएस लडाकुहरूको लुकेको ठाउँ पत्ता लगाई दुई लडाकु पक्राउ गरेको थियो। 

मारिएका केही विद्रोहीहरू वजिर अकबर खानको मस्जिद र दस्त-ए-बर्ची जिल्लाको कलेजमा भएका घातक आतंककारी हमलाहरूमा संलग्न थिए जसले हप्ता अघि दर्जनौं मानिसलाई मारेका थिए।

मुजाहिदले पनि कारबाहीका क्रममा एक सुरक्षाकर्मी मारिएको र अर्का एक घाइते भएको पुष्टि गरेका छन्।

अफगानिस्तानमा आईएस समूह विरुद्धको यो दोस्रो अपरेसन हो। केही दिनअघि उत्तरी कुन्दुज प्रान्तमा अफगान सेनाले यस्तै कारबाहीमा पाँच आईएस लडाकु मारेको थियो।