प्लाटिनम क्लबका दुई बाउन्सरमाथि खुकुरी प्रहार

काठमाडाैं, असाेज २५ : दरबारमार्गको प्लाटिनम क्लबका दुई जना बाउन्सरमाथि खुकुरी प्रहार भएकाे छ। मंगलबार बिहान काठमाडौंको सोह्रखुट्टेमा खुकुरी प्रहार भएको हाे।

ड्युटी सकेर घर फर्किँदै गरेका नितेश राई र छिरिङ लामालाई मंगलबार बिहान ४ बजे सोह्रखुट्टेमा ७/८ जनाले आक्रमण गरेको प्रहरीले जनाएको छ।

आक्रमणबाट नितेशको खुट्टामा र छिरिङको टाउकोमा चोट लागेको छ । उनीहरुको ग्राण्डी अस्पतालमा उपचार भइरहेको छ ।

काठमाडौं प्रहरी परिसरका एसपी दिनेशराज मैनालीका अनुसार खुकुरी प्रहार भएको सूचना पाएपछि प्रहरी घटनास्थलमा पुगेको र संलग्नहरुको खोजी सुरु गरिएको छ ।