कांग्रेस नेता केसीले भने– यो मेरो अन्तिम निर्वाचन हो, अब उम्मेदवार बन्दिनँ
नुवाकोट क्षेत्र नं २ का प्रतिनिधिसभाको उम्मेदवार बनेका नेपाल प्रेस युनियनले विदुरमा आयोजना गरेको पत्रकार सम्मेलनमा आगामी कुनै पनि निर्वाचनमा आफू उम्मेदवार बनन्ने बताए।
नुवाकोट, असोज २४ : कांग्रेस नेता अर्जुननरसिंह केसीले आफ्ना लागि यो अन्तिम निर्वाचन भएको बताएका छन्।
नुवाकोट क्षेत्र नं २ का प्रतिनिधिसभाको उम्मेदवार बनेका नेपाल प्रेस युनियनले विदुरमा आयोजना गरेको पत्रकार सम्मेलनमा आगामी कुनै पनि निर्वाचनमा आफू उम्मेदवार बनन्ने बताए।
‘यो मेरो अन्तिम निर्वाचन हो, फेरि लड्न पनि सक्दिनँ होला । योभन्दा अघिल्लो निर्वाचनमा अन्तिम भनेको रहेछु भने त्यो होइन, यो चाहीँ अन्तिम हो,’ उम्मेदवार केसीले भन्नुभयो ।
उनले पार्टीलाई लोकतान्त्रिक विधि तथा प्रक्रियामा अघि बढाउन र युवाको नेतृत्व पार्टीभित्र र बाहिर सुरक्षित गराउनको लागि निर्वाचनमा होमिएको बताए ।
संसदमा राष्ट्रिय र अन्तर्राष्ट्रिय विषयमा बोल्न सक्ने, जनताको समस्यालाई संसद्मा प्रभावकारी रुपमा लैजान सक्ने आफूमात्र भएको नेता केसीले जिकिर गरे।
प्रकाशित मिति: १६:१३ बजे, सोमबार, असोज २४, २०७९
थप समाचार
