काठमाडौं महानगरले डेंगु संक्रमितलाई २४ सै घण्टा परामर्श दिने 

काठमाडौं, भदौ ३० : काठमाडौं महानगरपालिकाले डेंगु संक्रमितका लागि स्वास्थ्य परामर्श दिनका लागि २४ घण्टे हटलाइन सुरु गरेको छ ।

संक्रमित भए वा भएको शंका लागेमा ११८० मा कल गरेर स्वास्थ्यकर्मीहरुसँग परामर्श लिन सक्ने व्यवस्था मिलाएको महानगरले जनाएको छ ।

यस्तै आवश्यक भएमा १०२ मा कल गरेर महानगरको निशुल्क एम्बुलेन्स सेवा लिन सक्ने मेयर बालेन शाहले जनाएका छन् । मेयर बालेनले डेंगु विरुद्धमा टोल टोल वा सामूदायीकरुपमा नै सक्रिय भएर लाग्न पनि अपिल समेत गरेका छन् ।