महाभियोग सिफारिस समितिको बैठक सुरु, चोलेन्द्रले नाम लिएका कानुन व्यवसायी उपस्थित

काठमाडौं, भदौ ३० : महाभियोग सिफारिस समितिको बैठक सुरु भएको छ ।

निलम्बित प्रधानन्यायाधीश चोलेन्द्र शमशेर जबराले बयानका क्रममा नाम लिएका कानुन व्यवसायीहरुको उपस्थितीमा छलफल सुरु भएको हो । छलफलमा नेपाल बार एशोसियशनका निवर्तमान दुई पदाधिकारी पनि उपस्थित छन् । 

समितिले पूर्वप्रधानन्यायाधीशहरु मीनबहादुर रायमाझी, अनुपराज शर्मा, कल्याण श्रेष्ठ र सुशिला कार्कीलाई पनि छलफलमा बोलाएको भएपनि उनीहरु अनुपस्थित छन् । 

समितिको बैठकमा नेपाल बारका निवर्तमान अध्यक्ष चण्डेश्वर श्रेष्ठ, महासचिव लिलामणि पौड्याल, बारका पूर्व अध्यक्षहरु शम्भु थापा, हरिहर दाहाल, पूर्वमहान्यायाधिवक्ता रमन श्रेष्ठ, अधिवक्ता ओमप्रकाश अर्याल सहभागी भएका छन् ।