कांग्रेस केन्द्रीय कार्यसमितिको बैठक बस्दै

काठमाडौं, माघ २८ : नेपाली कांग्रेस केन्द्रीय कार्यसमितिको बैठक केहीबेरमा बस्दै छ ।

कांग्रेस पार्टी कार्यालय, सानेपामा बस्ने बैठकमा नेपाल विद्यार्थी संघका बारेमा छलफल हुने जनाएको छ । दुई पटक समयावधि थपिदा पनि महाधिवेशन नभएपछि थप निर्णय लिन कांग्रेस केन्द्रीय कार्यसमितिको बैठक बस्न लागेको हो ।

नेविसंघको वर्तमान कार्यसमितिको दुई पटक गरि पाँच महिना म्याद थपिएको थियो । तर, महाधिवेशन नगरिएपछि विवाद चर्किएको छ ।

आजको बैठकमा नेविसंघ वर्तमान कार्यसमितिको म्याद थप्ने वा भंग गरेर तदर्थ समिति बनाउने भन्ने विषयमा छलफल हुने जनाएको छ ।

त्यस्तै, अन्य समसामयिक राजनीतिक विषयमा पनि छलफल हुने जनाएको छ ।