मेची नदीमा बगेर एक युवकको मृत्यु

झापा, भदौ १५ : मेची नदीमा बगेर झापाका एक युवकको मृत्यु भएको छ।

झापाको भद्रपुर नगरपालिका–४ नर्सिङ बगान छेउको मेची नदीमा पौडी खेल्ने क्रममा बगेर भद्रपुर नगरपलिाका–३ रंगिला चोकका वर्ष १८ का सामुएल भुजेलको मृत्यु भएको जिल्ला प्रहरी कार्यालयले जनाएको छ।

उनी भदौ १३ गते दिउसो बगेका थिए। उनका शुव गएराति भेटिएको जिल्ला प्रहरी कार्यालयले जनाएको छ।

प्रहरीले थप अनुसन्धान भइरहेको जनाएको छ।