थप २२६ जनामा कोरोना संक्रमण पुष्टि

काठमाडौं, भदाै १३ : पछिल्लाे २४ घन्टामा नेपालमा थप २ सय २६ जनामा कोरोना संक्रमण पुष्टि भएको छ।

देशभर गरिएको १ हजार ५ सय २५ पिसिआर परिक्षणका क्रममा १ सय ४५ जना र २ हजार ४ सय ८६ एन्टीजेन परिक्षणका क्रममा ८१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएकाे छ।

कोरोनाका कारण सोमबार कसैको पनि मृत्यु नभएको स्वास्थ्य मन्त्रालयले जनाएको छ।

त्यस्तै थप २ सय २३ संक्रमित निको हुँदा हालसम्म नेपालमा ९ लाख ८१ हजार ७ सय ४४ जना निको भएका छन्।

हाल नेपालमा ३ हजार २ सय ३५ सक्रिय संक्रमित रहेको मन्त्रालयले जनाएको छ।