दसैँका लागि भदौ २० गतेपछि नयाँ नोट साट्न पाइने 

काठमाडौं, भदौ ९ : यस वर्षको दसैँका लागि नेपाल राष्ट्र बैंकले भदौ २० गतेपछि साट्ने तयारी गरेको छ ।

भदौ २० गतेसम्म आवश्यक तयारी पूरा गरी वाणिज्य बैंकहरूबाट नयाँ नोट साट्ने तयारी भइरहेको राष्ट्र बैंकले जनाएको छ । राष्ट्र बैंकले पाँच, १०, २०, ५० र १०० रुपैयाँका एक सेट गरी प्रतिव्यक्ति १८ हजार ५०० रुपैयाँका दरले नयाँ नोट सटही गर्ने बताएको छ ।

२० गतेअघि नयाँ नोटको बारेमा बैंकहरूलाई सूचित गराउने राष्ट्र बैंकको तयारी छ । गत वर्षको दसैँमा ३० अर्ब रुपैयाँ बराबरको नयाँ नोट साटिएको राष्ट्र बैंकले जनाएको छ ।