रूपन्देही, वाग्लुङ र काभ्रेपलाञ्चोकमा गरी ४ जना मृत अवस्थामा फेला 

काठमाडौं, भदौ ९ : रूपन्देहीमा दुई, वाग्लुङ र काभ्रेपलाञ्चोकमा एक एक जना गरी ४ जना मृत अवस्थामा फेला परेका छन् ।

रुपन्देहीको मायादेवी गाउँपालिका ३ कलौनी बस्ने ४० वर्षीय राम प्रसाद खर्बिन्द आफ्नै कोठामा बिहीबार मृत अवस्थामा फेला परेका हुन् ।  यसैगरी रूपन्देही, सम्मरीमाई गाउँपालिका २ मुडिलास्थित पुलमुनी हाल नाम, थर, नखुलेकी करिब २० वर्षीया महिला बिहीबार मृत अवस्थामा फेला परेकी छिन् ।

यस्तै वाग्लुङको जैमिनी नगरपालिका १ भडार बस्ने ८३ वर्षीया खिपकला पाध्या घर नजिकै पाखोको खोचमा बिहीबार मृत अवस्थामा फेला परेकी छन् ।

काभ्रेपलाञ्चोकको रोशी गाउँपालिका ७ थली बस्ने ५३ वर्षीय देवान सिंह तामाङ घर नजिकै मकै बारीमा बिहीबार मृत अवस्थामा फेला परेका छन् ।