अफगान बाढीमा परी ३१ जनाको मृत्यु, कैयौं बेपत्ता

काबुल, साउन ३१ : अफगानिस्तानको उत्तरी क्षेत्रमा आएको बाढीले कम्तीमा ३१ जनाको मृत्यु  हुनुको साथै १७ जना घाइते भएका छन्। मृतक सङ्ख्या बढ्न सक्ने सम्भावना रहेको बख्तर राज्यको समाचार समितिले जानकारी दिएको छ।

अफगानिस्तानको पहाडी इलाकामा आएको यस बाढीमा परी दर्जनौं मानिस बेपत्ता भएका खामा प्रेसले जानकारी दिएको छ।

आवासीय घरहरू र सयौं एकड खेती खेतहरू ध्वस्त भएका स्थानीय स्रोत जानकारी दिएको छ। भीषण बाढीका कारण परवान–बम्यान राजमार्ग अवरुद्ध भएको छ।

भारी वर्षा र बाढीले पूर्वमा नान्गाहार प्रान्त र उत्तरमा पन्जशिर प्रान्तलगायत अन्य धेरै अफगान प्रान्तहरूलाई पनि असर गरेको छ। बाढीले सयौं आवासीय संरचना, हजारौं एकड खेतबारी र दर्जनौं बगैंचामा क्षति पुर्‍याएको स्थानीयवासीले बताएका छन्।

करिब दुई साताअघि अफगानिस्तानको पूर्वी नुरिस्तान प्रान्तको एउटा गाउँमा आएको बाढीमा परी महिला र बालबालिकासहित ४० जनाभन्दा बढीको मृत्यु भएको थियो।