क्रिस्टल डायग्नोस्टिक र लायन्स क्लबबीच स्वास्थ्य सेवा छुट दिने सम्झौता

काठमाडौं, साउन २६ : सिनामंगलमा रहेको क्रिस्टल डायग्नोस्टिक सेन्टर र द इन्टरनेशनल एसोसिएसन अफ लायन्स क्लब ३२५ एफ बीच स्वास्थ्य सेवामा बिभिन्न छुट दिने समझदारी भएको छ । 

क्रिस्टल डायग्नोस्टिकका अनुसार एमडी ३२५ अन्तर्गत रहेका १८ वटा लायन्स क्लबहरुको संयुक्त कार्यक्रम बिच स्वास्थ्य सेवा प्रवाहमा विषयमा दुई पक्षबीच सझदारी पत्रमा हस्ताक्षर भएको हो ।

समझदारी अनुसार सम्पूर्ण लायन्स सदस्यहरुलाई ल्याब परिक्षणमा २५ प्रतिशत छुट, मोलिक्युलर परिक्षणमा २० प्रतिशत, एक्स रे सेवामा २० प्रतिशत, इसिजि २०५ पल्मोनरी फङ्सन परिक्षण २०५, इन्डोस्कोपी कोलोनेस्कोपी २० प्रतिशत र अल्ट्रासाउण्ड इकोमा १० प्रतिशत छुट दिने व्यवस्था गरिएको छ । उक्त सम्झौता पत्रमा लायन्सका तर्फबाट लायन गभर्नर डा राजेन्द्र गिरी र क्रिस्टल डायग्नोस्टिकले हस्ताक्षर गरेका छन्।

कार्यक्रममा क्रिस्टल डायग्नोस्टिक सेन्टरका मेडिकल डाइरेक्टर डा पर्शुराम घिमिरेले लायन्स सदस्यले सिफारीस गरेर पठाएका बिरामीहरुलाई विशेष छुट दिने जानकारी दिए  । ‘हामी सेवा गर्छौं’ भन्ने मूल मन्त्रलाई आत्मसाथ गर्दै पूर्व प्रधानमन्त्री स्व. मातृकाप्रसाद कोईरालाको नेतृत्वमा सन १९७१ अगस्ट ९ मा नेपालमा पहिलो पटक विराटनगरमा लायन्स क्लब अफ विराटनगरको स्थापना गरी ५२ वर्ष अगाडि नेपालमा लायन्सको सुरुवात गरेका थिए ।

लायन्स क्लब अफ काठमाडौं वेलकेयर र क्रिस्टल डायग्नोस्टिकले आफ्नो सामाजिक उत्तरदायित्व अन्तर्गत विभिन्न सामाजिक कार्यक्रम एवं समाजसेवाको कार्यम गर्र्दै आएको छ ।