राजापाक्षलाई अस्थायी बसोबासको लागि थाइल्याण्डले अनुमति दिने

काेलम्बाे, साउन २६ : श्रीलङ्काका पूर्वराष्ट्रपति गोटबाय राजापाक्षलाई थाइल्याण्डले कुनै समस्या नपुर्‍याउने शर्तमा अर्को देशमा स्थायी शरण खोज्न अस्थायी रुपमा थाइल्याण्डमा बस्न अनुमति दिएको छ।

'श्रीलङ्काका पूर्व राष्ट्रपति गोटाबाया राजापाक्षे थाइल्याण्डमा स्थायी शरण खोज्न अस्थायी रूपमा बस्नेछन्,' थाइल्याण्डका प्रधानमन्त्री प्रयुत चान–ओ–चाले भने।

'यो मानवीय मुद्दा हो। हामीले यो अस्थायी बसाइ हो भनेर प्रतिज्ञा गरेका छौं। कुनै पनि राजनीतिक गतिविधिलाई अनुमति दिइएको छैन, र यसले उनलाई शरण लिनको लागि एक देश खोज्न मद्दत गर्दछ,' कोलम्बो गजेट र थाइल्याण्ड सञ्चारमाध्यमले चान–ओ–चालाई उद्धृत गरी लेखेको छ।

थाइल्याण्डका विदेशमन्त्री डन प्रमुदविनाईले अपदस्थ राष्ट्रपति अझै पनि कूटनीतिक राहदानीधारी भएकाले ९० दिन थाइल्याण्डमा बस्न सक्ने बताएका छन्। 'श्रीलङ्का सरकारले भ्रमणको विरोध गरेको छैन र थाई सरकारले उहाँको लागि आवासको व्यवस्था गरेको छैन।'

प्रमुदविनाईले भने, 'कार्यवाहक राष्ट्रपति रानिल विक्रमासिंघेले सत्तामा रहँदा आफ्ना लागि काम गरेकाले यो भ्रमणले कोलम्बोसँग द्वन्द्व निम्त्याउने छैन। कोलम्बो गजेटका अनुसार मन्त्रीले राजापाक्षको बसाइले थाइल्याण्डका लागि समस्या सिर्जना गर्न नहुने शर्त रहेको बताए।

माल्दिभ्सपछि थाइल्याण्ड दोस्रो दक्षिणपूर्वी एसियाली देश हुनेछ, जहाँ राजापाक्षले गत महिना आफ्नो टापु राष्ट्रबाट भागेर अस्थायी शरण लिएका छन्। यसअघि श्रीलङ्काका पूर्वराष्ट्रपति राजापाक्षेको भिसा मान्य नभएपछि आगामी अगष्ट ११ मा सिङ्गापुरबाट बैंकक जाने कार्यक्रम तय भएको थियो। माल्दिभ्सबाट गत महिना सिङ्गापुरको चांगी विमानस्थलमा आइपुग्दा पूर्वराष्ट्रपति लाई १४ दिने भ्रमण पास दिइएको थियो  तर पछि यसलाई बढाएर थप दुई हप्ताका लागि बस्न अनुमति दिएको थियो।

श्रीलङ्काको संसद्का सभामुख महिन्दा यापा आबेवर्दनाले गत जुलाई १५ मा राजापाक्षेको राजीनामा घोषणा गरेका थिए। राजापाक्षेको राजीनामापछि रानिल विक्रमासिंघेले जुलाई २१ मा श्रीलङ्काको संसद्मा प्रधानन्यायाधीश जयन्था जयसूर्यासमक्ष राष्ट्रपतिपदको शपथ लिएका थिए।

यसैबीच राजापाक्षले बिहीबार नै सिङ्गापुरबाट थाइल्याण्ड भ्रमणका लागि प्रस्थान गरेकाे बताइएको छ। उनलाई थाइल्याण्डले भ्रमण अनुमति दिएपनि यो छोटो अवधिका लागि भएको थाई अधिकारीले बताएका छन्।

यसैबीच राजापाक्षले बिहीबार नै सिङ्गापुरबाट थाइल्याण्ड भ्रमणका लागि प्रस्थान गरेकाे बताइएको छ। उनलाई थाइल्याण्डले भ्रमण अनुमति दिएपनि यो छोटो अवधिका लागि भएको थाई अधिकारीले बताएका छन्।