वाइसिएलकाे नयाँ नेतृत्व चुन्न भदौ ३-४ मा राष्ट्रिय भेला

काठमाडौं, साउन १५ : नेकपा माओवादी केन्द्रको युवा संगठन वाइसिएलकाे नयाँ नेतृत्व चयनका लागि आगामी भदौ ३ र ४ गते काठमाडौंमा राष्ट्रिय भेला हुने भएको छ।

भेलामा करिब ५ सय प्रतिनिधि सहभागी हुने र पदाधिकारीसहित नयाँ केन्द्रीय समिति चयन हुने जनाइएकाे छ।

भेलाका लािग एक महिलासहित प्रत्येक जिल्लाबाट तीन जना, हालका केन्द्रीय सदस्य २०४ जना, दुई केन्द्रीय विभागबाट ४२ प्रतिनिधि राष्ट्रिय सम्मेलनमा सहभागी हुनेछन् । केन्द्रीय कार्यालयले कुल प्रतिनिधिको ५ प्रतिशत मनोनीत गर्ने वाइसिएलले जनाएकाे छ।

गत भदौ १२ र १३ गते सम्पन्न पहिलो राष्ट्रिय भेलाबाट सर्वसम्मत रुपमा पदाधिकारी चयन हुन नसकेपछि सुमन देवकोटाको संयोजकत्वमा राष्ट्रिय भेला आयोजक समिति बनाइएको थियो।