खुमलटार पुगेर गृहमन्त्रीले खाणले गरे प्रचण्डसँग छलफल

काठमाडौं, साउन १३ : गृहमन्त्री बालकृष्ण खाणले नेकपा माअ‍ोवादी केन्द्रका अध्यक्ष पुष्पकमल दाहाल प्रचण्डसँग भेटवार्ता गरेका छन्। 

शुक्रबार बिहान खुमलटार पुगेर गृहमन्त्री खाणले प्रचण्डसँग भेट गरेका हुन् । भेटमा समसामयिक राजनीतिक विषयबारे छलफल भएको बताइएको छ । त्यस्तै संसदबाट पारित भएको नागरिकता विधेयक, संघ तथा प्रदेशको निर्वाचनको मिति घोषणा लगायतका विषयमा पनि छलफल भएको बताइएको छ। 

प्रधानमन्त्री शेरबहादुर देउवाले संघ र प्रदेशको निर्वाचनमा केही दिनमै घोषणा गर्ने तयारी गरेका छन् । त्यसका लागि उनले आफ्नो पार्टी नेपाली कांग्रेस र गठबन्धनमा रहेका दलहरुबीच पनि छलफल गर्दै आइरहेका छन् । 

माओवादी केन्द्रका अध्यक्ष प्रचण्डले निर्वाचन मिति घोषणा गर्न हतार नगर्न प्रधानमन्त्रीलाई सुझाव दिएको बताएका थिए । निर्वाचन आयोगले पनि सरकारले चाँडै नै निर्वाचन मिति घोषणा गर्न लागेको बताएको थियो ।