संसदीय विशेष समितिले तत्कालीन अर्थमन्त्री शर्मासँग छलफल गर्ने 

काठमाडौं, साउन ४ : तत्कालीन अर्थमन्त्री जनार्दन शर्मामाथि छानबिनका लागि गठन भएको संसदीय विशेष समितिले बिहीबार शर्मासंग छलफल गर्ने भएको छ । 

सिंहदरबारमा बुधबार बसेको समिति बैठकले अर्थमन्त्रालयमा बाह्य व्यक्तिको प्रवेशका बारेमा समाचार लेख्ने दुईपत्रकारसंग छलफल गरेको थियो भने बिहीबार शर्मासंग छलफल गर्ने निर्णय भएको समिति सचिव सुरेन्द्र अर्यालले जानकारी दिए । 

त्यस्तै बिहीबार समिति गठन गरिएको १० दिन पुरा हुने भएकाले केहि दिन म्याद थप गर्ने बिषयमा पनि छलफल भएको उहाले जानकारी दिए । समितिले छानविनका लागि समय अपुग भएको भन्दै सात दिन म्याद थप गर्नका लागि सभामुखसंग आग्रह तयारी गरेको छ ।